Category Archives: Aleksandr Puszkin

Aleksandr Puszkin – «Ty» a «Wy»

Roz průzne ‚Wy’ na czułe ‚ty’
Uůna bez feler půmjyńyła.
Tak słodke marzyńa i sny
W mojij duszyczce uozbudźyła!

Tůż stoja przi ńij, kukům i
W śercu raduja śe tyj chwili.
Padům jij: Wy’śće sům tak mjyli!
A myśla: jak jo przaja ći!

Reklamy

Dodaj komentarz

Filed under Aleksandr Puszkin

Aleksandr Puszkin – Co moji mjano ći przińeśe?

Co moje mjano ći przińeśe?
Zemrzi jak smutny szům bałwana,
Co pultńe uo brzeg uoceana
I zńikńe jak źwjynk nocům w leśe.

W sztambuchu mjano – průzne słowa,
Umarte znamje w mortwych sztrofach,
Jak hjeroglify na kyrchofach
W starych, ńyzrozumjałych mowach.

Co dalij? Śyła nowych wzruszyń
W pamjyńći twojij je zaguszy.
Wjyncyj spůminkůw gryfnych, snożnych,
Uůne ńy przido twojij duszy.

Dyć w czas utropy, w chwila zło,
Ńych szeptym z gymby ći wyleći,
A pedz: „Durch pamjyńć uo mje trwo,
W jednym śercu żyja na śwjeće”.

Dodaj komentarz

Filed under Aleksandr Puszkin

Aleksandr Puszkin – [Gyszynk cufalny, darymny…]

28 maja 1828

Gyszynk cufalny, darymny –
Żyće! Pojakymu sy mje
Los zabjere će tajymny
Fto će doł sam a fto symje?

Co za ńyprzoćelsko śyła
Przilyź na tyn śwjat kozała?
Uogyń w duszy rozhajcyła,
W filip cwajflůnek przidała?…

Celu ńy widza przed sobům:
Průzne śerce, můzg na darmo,
A pokoju mi ńy dowo
Durch te same żyćo larmo.

 

Dodaj komentarz

Filed under Aleksandr Puszkin

Aleksandr Puszkin – [Jo żech Wům przoł…]

Jo żech Wům przoł a durch jeszcze hajcuje
Śe flama przůńo we mojij duszy dńe.
Dyć ńych ụ̊na Wos wjyncyj ńy szteruje,
Ńy chca, cobyś tropjyła śe skirz mje.

Jo żech wům przoł w ńywoli i bez słowa,
A w ćichym śercu yno zowiść, żol…
Jak prawo, snożńe – yno Půnbůg zno a
Ńych do, coby fto inkszy tak Wům przoł…

Dodaj komentarz

Filed under Aleksandr Puszkin